Astana Data Exchange цифрлық деректер өнімдерін айырбастау және айналым платформаларының тізіліміне енгізілді
Ағымдағы жылдың 20 шілдесінде «Astana Data Exchange Ltd.» компаниясы Қазақстан Республикасында деректер экономикасын дамыту жөніндегі уәкілетті орган жүргізетін цифрлық деректер өнімдерін айырбастау және айналым платформаларының тізіліміне енгізілді
Бұл оқиға 2026 жылғы 12 шілдеде Қазақстан Республикасының Цифрлық кодексінің күшіне енуі аясында ерекше маңызға ие. Аталған Кодекс цифрлық экономиканы дамыту, цифрлық деректерді реттеу, сондай-ақ оларды заңды түрде пайдалану мен айналымға енгізу үшін қажетті құқықтық негіз қалыптастырады.
Цифрлық кодекстің ережелеріне сәйкес, цифрлық деректер өнімдерін айырбастау және айналым платформалары еліміздің қалыптасып келе жатқан цифрлық инфрақұрылымының маңызды бөлігіне айналуда. Олар деректерді жеткізушілер мен тұтынушылардың өзара іс-қимыл жасауына, цифрлық өнімдерді орналастыруға және олармен Қазақстан Республикасының заңнамасы шеңберінде операциялар жүргізуге жағдай жасайды.
Astana Data Exchange компаниясының тиісті тізілімге енгізілуі платформаның ресми мәртебесін растайды және ұлттық деректер экономикасы инфрақұрылымын дамыту жолындағы маңызды қадам болып табылады.
ADX Қазақстанда цифрлық өнімдердің ашық, қауіпсіз және реттелетін нарығын дамытуға ықпал ететін заманауи цифрлық деректер алмасу экожүйесін қалыптастыру жұмысын жалғастыруда.