ADX цифрлық деректер жеткізушілерінің экожүйесін кеңейтуде: платформаға 15 ұйым қосылды
ADX платформасында Қазақстан экономикасының түрлі секторларын, сондай-ақ алғашқы халықаралық цифрлық деректер жеткізушілерін қамтитын 15 ұйым тіркелді.
Astana Data Exchange (ADX) экожүйесі кеңеюін жалғастыруда. Бүгінгі таңда платформада телекоммуникация, қаржы, квазимемлекеттік сектор, білім беру, консалтинг және IT индустриясы сияқты экономиканың түрлі салаларын ұсынатын 15 цифрлық деректер жеткізушісі мен тұтынушысы тіркелген.
Платформаның дамуындағы маңызды кезеңдердің бірі Shanghai Data Exchange (SDE) серіктестері болып табылатын алғашқы халықаралық деректер жеткізушілерінің қосылуы болды. Бұл ADX қатысушыларының географиясын кеңейтіп, халықаралық ынтымақтастық пен цифрлық деректердің трансшекаралық алмасуын дамытуға негіз қалайды.
Платформада аналитика, зерттеулер жүргізу және цифрлық сервистер әзірлеу мақсатында пайдалануға арналған цифрлық өнімдер орналастырылған.
Қатысушылар қауымдастығының кеңеюі Қазақстанның толыққанды деректер нарығының экожүйесін қалыптастыру жолындағы маңызды қадам болып табылады. ADX жаңа деректер жеткізушілері мен тұтынушыларын тартуды, серіктестік желісін дамытуды және цифрлық деректерді коммерцияландыруға қолайлы жағдай жасауды жалғастыруда.